Սուրբ Վալենտին տոնը լայնորեն նշվում է ամբողջ աշխարհում։ Այդ օրը սիրահարներն արտահայտում են իրենց անմնացորդ սերը՝ գեղեցիկ նվիրերների, օրիգինալ անակնկալների և, իհարկե, ծաղիկների միջոցով: Ինչպես արդեն կռահեցիք, այս անգամ մենք կխոսենք Վալենտինի օրվա խորհրդի, տարբեր երկրներում նշելու ավանդույթների և ծաղիկների ընտրության մասին։

Սուրբ Վալենտինի օրվա ծագման պատմությունը պարուրված է բազմաթիվ լեգենդներով և առասպելներով: Լեգենդներից մեկի համաձայն՝ Վալենտինը եղել է քահանա և երրորդ դարում ծառայել է Հռոմում: Այդ ժամանակ հռոմեական կայսր Հուլիոս Կլավդիոս II-ը արգելել էր զինվորականների ամուսնությունը, քանի որ բանակը զինվորների պակաս ուներ և բավականին դժվար էր դառնում իր ռազմատենչ ծրագրերի իրականացումը: Իսկ ահա Վալենտինը գաղտնի ամուսնացնում էր զինվորականներին։ Բնականաբար, այս փաստը երկար գաղտնի պահվել չէր կարող։ Շուտով Վալենտինին ձերբակալեցին և փետրվարի 14-ին մահապատժի ենթարկեցին։

Երբ խոսում ենք Վալենտինի օրվա մասին, ապա անհնար է շրջանցել խորհրդանշական բացիկներին՝ վալենտինկաներին։ Նրանց պատմությունը սկսվում է 1415 թվականին։ Օռլեանի դուքս Չարլզը, ով բանտարկված էր մենախցում, որոշեց պայքարել ձանձրույթի դեմ՝ յուրօրինակ սիրային նամակներ գրելով կնոջը։ Այդ նամակները կոչվեցին վալենտինկաներ և մինչև օրս պահվում են Բրիտանական թանգարանում։ Նշենք, որ այսօր վաճառքների քանակով վալենտինկաները Սուրբ Ծննդյան բացիկներից հետո գտնվում են երկրորդ տեղում: Մեկ այլ հետաքրքիր փաստ է այն, որ ամենից հաճախ իրենց երկրորդ կեսին այսպիսի բացիկներ են նվիրում կանայք:

Այժմ եկեք միասին տեսնենք, թե ինչպես են տոնում Վալենտինը տարբեր երկրներում և ինչ ծաղիկներ են նվիրում։

Ճապոնիայում ընդունված է Սուրբ Վալենտին տոնին շնորհավորել ոչ թե կանանց, այլ տղամարդկանց։ Տոնի նախօրեին նույնիսկ հատուկ շոկոլադ է արտադրվում, որը կոչվում է «honmei»: Ճապոնացիները նաև անցկացնում են սիրո լավագույն խոստովանության ամենամյա մրցույթ։ ԱՄՆ-ում Սուրբ Վալենտինի օրը շնորհավորում են ոչ միայն սիրահարներին, այլև հարազատներին և ընկերներին։ Իսկ ահա Կանադայում աղջիկն իրավունք ունի տղամարդուն ամուսնության առաջարկություն անել միայն փետրվարի 14-ին։ Ավելին, եթե տղամարդը հրաժարվի, ապա կարող է տուգանվել։ Դանիայում տղամարդիկ անանուն վալենտինկաներ են ուղարկում իրենց ընկերուհիներին։ Եթե ​​աղջիկը գուշակում է ուղարկողին, ապա Զատիկին պետք է տղային շոկոլադե ձու ուղարկի։

Հոլանդիայում այս տոնին կինը կարող է մոտենալ իրեն դուր եկած տղամարդուն և ամուսնության առաջարկություն անել, իսկ դե հոլանդական վարդերը թող անպակաս լինեն։ Եթե ​​տղամարդը մերժում է, ապա պետք է կնոջը մետաքսե զգեստ նվիրի։ Միաժամանակ Սաուդյան Արաբիայում այս տոնն արգելված է և նշելու դեպքում մարդիկ կարող են տուգանվել։

Ծաղիկները օգտագործվում են տոնն զարդարելու և ռոմանտիկ տրամադրություն ստեղծելու համար։ Ամբողջ աշխարհում այս օրը ամենաշատ վաճառվող ծաղիկներից են վարդերը, կակաչները, գերբերաներն և օրխիդեաները։ Մեծ պահանջարկ ունեն նաև կոնֆետներով զարդարված սրտաձև կոմպոզիցիաները և ամենատարբեր ձևավորումներով սիրային նվերները։

Դե ինչ, եթե ​​ցանկանում եք անակնկալներ մատուցել ձեր սիրելիներին և նվիրել լավագույն ծաղիկները, կոմպոզիցիաներն ու փնջերը, ապա մուտք գործեք մեր կայք-էջի <<Ծաղիկներ>> բաժին և ծանոթացեք առաջարկվող լայն տեսականուն։ Նշենք, որ մենք ընդունում ենք նաև անհատական պատվերներ՝ իրականություն դարձնելով ձեր բոլոր յուրօրինակ մտահաղացումները։